Сингил йиғлайди

10:00 12.06.2019 1019

Ҳар ким бу оламдан саодатталаб,

«Бахтим қани?!» — деган кўнгил йиғлайди.

Бир аччиқ орзулар остонасида

Турмуши бузилган сингил йиғлайди.

 

Аланга рақс этар гулханлар аро,

Чечаклар жилмаяр гулшанлар аро.

Бу ёруғ оламда кулганлар аро

Турмуши бузилган сингил йиғлайди.

 

Сумбул сочларида ўрмалаган оқ,

Интиқ юрагида куйдирги бир доғ,

Саҳарлар бўғзидан отилади «оҳ»,

Турмуши бузилган сингил йиғлайди.

 

Аллоҳим, тараҳҳум айла сен унга,

Қайтар уни бахтга, бахт тирик кунга,

Ҳеч банданг ҳаётин солма қуюнга,

Турмуши бузилган сингил йиғлайди.

Шукур Қурбон

Azon.uz янгиликларини Telegram'да ҳам кузатиб боринг!