Сомали Ахборот вазири Усмон Дубе хабар беришича, Сомали ҳукумати қўшни Кения билан дипломатик алоқаларни узганлигини ҳақидаги қарорни эълон қилган.
Вазирнинг сўзларига кўра, қарорга қўшни давлат – Кениянинг Сомали ички ишларига, шу жумладан мамлакатнинг ҳудудий яхлитлигини бузиш ҳолатларига аралашувидаги бузғунчи ҳаракатлари сабаб бўлган.
Сомали дипломатларига зудлик билан Кенияни тарк этишлари буюрилган. Бундан ташқари, Кениянинг Могадишодаги дипломатик ваколатхонаси Сомалидан етти кун ичида чиқиб кетиши шарт қилиб қўйилган.
"Кениядаги амалдаги ҳокимият Сомалидаги вазиятни издан чиқаришга уринмоқда", деб таъкидлайди Дубе.
Сомали ҳокимиятининг қарори Кения Президенти Ухуру Кенятта тан олинмаган Сомалиланднинг раҳбари Муса Биҳи Абди билан учрашувидан кўп ўтмай қабул қилинди.
"Анадолу” агентлиги хабарларига кўра, Кения ва Сомали ўртасидаги муносабатлар Ҳинд океанидаги нефть ва газга бой бўлган баҳсли ҳудуди бўйича зиддиятдан кейин ёмонлашган.
