Telegram каналимизга аъзо бўлинг
Янгиликлар

Суданда бир неча вазир озодликка чиқарилди

876

Судандаги ҳарбий тўнтаришдан ўн кун ўтиб, аввал ҳибсга олинган тўрт нафар вазир озод этилди. Давлат телевидениесининг 4 ноябрь, пайшанба куни хабар беришича, Қуролли кучлар олий қўмондони, генерал Абдулфаттоҳ Бурҳон Алоқа вазири Ҳошим Ҳасаб Расул, Савдо вазири Али Жаддо, Маданият ва ахборот вазири Ҳамза Балул ҳамда Спорт вазири Юсуф Одамни озод қилишга буйруқ берган. 

Вазирларни озод қилиш ҳақидаги буйруқ эълон қилинишидан олдинроқ БМТ Бош котиби Антониу Гутерриш Бурҳон билан телефон орқали мулоқот қилиб, уни Суданга демократик ислоҳотларга қайтишга имкон беришга ҳамда мамлакатдаги сиёсий инқирозни бартараф қилиш, конституциявий тузум ва ўтиш жараёнини тиклаш учун барча саъй-ҳаракатларни амалга оширишга чақирди. Гутерриш, шунингдек, уй қамоғида сақланаётган ҳукумат аъзолари, жумладан, бош вазир Абдулла Ҳамдукни озод қилишга чақирди. 

Аввалроқ Судан армияси яқин орада янги ҳукумат таркиби эълон қилинишини айтган эди.

Эслатиб ўтамиз, Суданда ҳарбийлар 25 октябрь куни ҳокимиятни қўлга олди ва мамлакатда фавқулодда ҳолат эълон қилди. Уларнинг етакчиси, генерал Абдулфаттоҳ Бурҳон ҳукуматни ҳамда мамлакатни демократлаштириш жараёнини назорат қилувчи Суверен кенгашни тарқатиб юборди.

УЛАШИНГ:

Теглар:

Мавзуга доир:

Ҳибсда сақланаётган Суданнинг собиқ президенти Умар ал-Башир касалхонага ётқизилди

572 13:25 05.12.2022

Суданда намойишлар тўхтамаяпти, юзлаб кишилар ҳалок бўлди

626 14:00 24.10.2022

Судан ва Эфиопия чегарадаги инқирозни тинч йўл билан ҳал қилишга қарор қилди

680 11:25 16.10.2022

Хавфли вирус Суданга ҳам етиб келди 

476 11:00 02.08.2022

Россия Суданда ҳарбий база ташкил этишидан Миср хавотирга тушган

1624 13:35 12.03.2022

Исроилликлар Дубайга кўчяпти

2223 11:05 24.01.2022
« Орқага