Судандаги намойишларга неча киши ҳалок бўлгани маълум қилинди

19:20 07.05.2019 267

Суданда ўтган йилнинг декабрида бошланиб, бир неча ой давом этган ҳукуматга қарши намойишларда хавфсизлик кучлари камида 90 кишини ўлдирган. Бу ҳақда AFP Судан шифокорлар қўмитасига таянган ҳолда хабар тарқатди.

Қўмита 90 нафар намойишчи хавфсизлик кучлари ва полиция томонидан ўлдирилганини тасдиқловчи ҳужжатлар борлигини маълум қилди. Биринчи қурбон 2018 йилнинг 20 декабрида, охиргиси эса жорий йилнинг 5 майида қайд этилган.

Шифокорлар қўмитасининг маълумоти расмий маълумотлардан фарқ қилади. Аввалроқ Судан соғлиқни сақлаш вазирлиги намойишларда 65 киши ҳалок бўлганини айтган эди.

Эслатиб ўтамиз, Суданда иқтисодий қийинчиликлар туфайли бошланган намойишлар оқибатида мамлакатни ўттиз йил бошқарган президент Умар Башир 11 апрель куни истеъфо берди. Мамлакатни ҳарбий бошқариб турибди, бироқ мухолифат уларнинг ҳокимиятдан тезроқ кетишини истаяпти.

Azon.uz янгиликларини Telegram'да ҳам кузатиб боринг!