Сурияда кимёвий қурол ишлатилиши бўйича янги текширув бошланди

10:20 29.06.2019 224

Кимёвий қуролларни тақиқлаш ташкилоти (КҚТТ) вакиллари Сурияда бундай қуроллар ишлатилишига жавобгарларни аниқлаш мақсадида янги текширув бошлади. 

AFP хабарига кўра, КҚТТ раҳбари Фернандо Ариас текширув комиссияси 9 ёки 10 аъзодан иборат бўлишини айтган.  

Бир йил муқаддам КҚТТга аъзо давлатлар мазкур ташкилот нафақат кимёвий қуроллар қачон ва қаерда қўлланганини аниқлаш, балки бунинг учун жавобгарларни эълон қилиш ҳуқуқига ҳам эгалиги ҳақида бир тўхтамга келган. 

Навбатдаги текширув Суриянинг айнан қаерида ўтказилиши ҳозирча номаълум. 

КҚТТ жорий йилнинг мартида эълон қилган баёнотда Суриянинг Дума шаҳрида 2018 йилнинг апрелида хлор гази ишлатилгани ва бунинг оқибатида 43 киши ҳалок бўлгани айтилган эди.

Azon.uz янгиликларини Telegram'да ҳам кузатиб боринг!