Сурия Ташқи ишлар вазирлиги Брюсселда Сурия бўйича халқаро конференция ўтказилганини танқид қилди. Вазирликнинг таъкидлашича, ушбу анжуманнинг Сурия ҳукуматининг иштирокисиз ташкил этилгани БМТ низомига зиддир.

“Сурия ушбу конференциянинг бешинчи марта Сурия ҳукумати – Сурия халқининг вакили бўлган манфаатдор томон ҳамда Суриядаги гуманитар дастурлар бўйича БМТ ва халқаро ҳамжамиятнинг асосий ҳамкорининг иштирокисиз ўтказилишини қабул қилмаслигини билдиради”, – дейилади Ташқи ишлар вазирлиги баёнотида.

Вазирликнинг фикрича, БМТнинг ушбу конференцияга бевосита дахлдор давлатнинг иштирокисиз бошчилик қилиши халқаро ташкилот низомининг асосларига тўғри келмайди. 

Брюсселдаги конференция БМТ ва Европа Иттифоқининг шафелигида ўтказилди. Маълумки, Европа Иттифоқи Башар Асад тузими билан алоқа қилмайди. Конференцияда сурияликларга кўмак бериш мақсадида халқаро донорлар 6,4 миллиард доллар ажратишга ваъда берди.