Telegram каналимизга аъзо бўлинг
Ислом

Сувда музлаб ўлган балиқни еса бўладими?

9149

CАВОЛ: 

Қаттиқ совуқ бўлганидан сувлар музлади. Натижада балиқлар ҳам музлаб ўлиб қолди. Сувда музлаб ўлган балиқни еса бўладими?

ЖАВОБ: 

Бирор бир ташқи сабаб яъни қаттиқ иссиқ, ёки қатиқ совуқ сабабли сувда ўлган балиқ ҳалол бўлиб, уни ейиш жоиз. Албатта, ҳеч қандай ташқи сабабсиз сувда ўлиб, сув юзасига қалқиб чиқиб қолган балиқни ейиш ҳалол бўлмайди. Жобир ибн Абдуллоҳ разияллоҳу анҳудан қилинган ҳадисда Пайғамбаримиз Расулуллоҳ саллаллоҳу алайҳи васаллам шундай дедилар:

Жобир ибн Абдуллоҳ разияллоҳу анҳу Расулуллоҳ саллаллоҳу алайҳи ва салламдан ривоят қилади: “Денгиз (соҳилга) чиқариб ташлаган ёки ундан сув пасайганларини еяверинглар. Аммо унда ўлган ва сув юзига қалқиб чиққанини еманглар” (Абу Довуд, Ибн Можа ва Дорақутний ривояти).

Бу ҳақда мазҳабимиз фуқаҳолари шундай дейишган:

“Балиқнинг ҳалоллигидаги асл қоида, бирор бир ташқи офат сабабли ўлган бўлса, уни ейиш жоиз бўлади. Офатсиз, ташқи сабабсиз ўлган бўлса, ейиш жоиз бўлмайди” (“Раддул мухтор” китоби, 5-жуз, 248-бет).

Хулоса қилиб айтганда қаттиқ совуқда музлаб ўлиб қолган балиқларни ейиш жоиз. Валлоҳу аълам.

Манба: Ўзбекистон мусулмонлари идораси Фатво маркази

УЛАШИНГ:

Теглар:

Мавзуга доир:

Эрон-Саудия Арабистони келишувининг геосиёсий аҳамияти: АҚШ ўйиндан чиқарилдими?

275 20:30 22.03.2023

Таровеҳ муносабати билан Тошкентдаги айрим кўчалар вақтинча ёпилади

373 19:42 22.03.2023

Энг яхши табиб

457 19:15 22.03.2023

«Пекин Ашхобод билан муносабатларга катта эътибор беради» — Си Цзинпин

384 18:40 22.03.2023

РЎЗАГА ОИД ФАТВОЛАР

79 18:05 22.03.2023

Асад режими Ҳалаб аэропортига ҳаво ҳужуми юзасидан Исроилни айбламоқда

267 17:10 22.03.2023
« Орқага