Зоҳирийси, баданнинг пок бўлишидир.
Ботинийси, қалбнинг пок бўлишидир.

Шунинг учун Аллоҳ таоло тавба билан таҳорат орасини қуйидаги оятда бир бирига яқин қилган.

"Албатта Аллоҳ тавба қилгувчиларни ва ўзларини мудом пок тутгувчиларни севади" 
(Бақара сураси, 222 -оят).

Набий саллаллоҳу алайҳи васаллам таҳорат олувчи таҳоратни мукаммал адо қилганидан кейин қуйидаги дуони ўқишни суннатлари орқали шариатга киритганлар. 

"Аллоҳумма ижъалний минат таввабийна важъалний минал мутотоҳҳирийн".
(Аллоҳим, мени тавба қилувчилардан ва пок кишилардан қилгин)

Шаҳодат калимаси билан ширкдан пок бўлинади.

Тавба билан гуноҳлардан пок бўлинади.

Сув билан жисмда кўриниб турган кирликлардан пок бўлинади.

Аллоҳнинг ҳузурида туриш учун энг мукаммал покланишни шариатга киритилган.

Азизхўжа домла ИНОЯТОВ