Танзания президенти Жон Магуфулининг вафотидан сўнг унинг ўрнини вице-президент Самиа Сулуҳу Ҳасан эгаллаши кутилмоқда. У мамлакат тарихидаги илк аёл президент бўлади.
“Евроньюс” хабарида айтилишича, Танзания конституциясига мувофиқ президент вафот этганидан кейин давлат бошқаруви вице-президентга ўтади.
61 ёшли Самиа Сулуҳу Ҳасан тўрт йил кейин ўтказиладиган сайловгача Танзания президенти бўлади. У Манчестер университетида иқтисодиёт йўналишида таҳсил олган. Сиёсатга эса 2000 йилда келган. Бир муддат бирлик масалалари бўйича вазир бўлиб ишлаган.
Тўрт фарзанднинг онаси бўлмиш Самиа Сулуҳу Ҳасан Танзаниянинг илк аёл вице-президентидир.
