АҚШ президенти Жорж Буш ва Совет Иттифоқи раҳбари Михаил Горбачёв ўртасида 1989 йилнинг 2-3 декабрь кунлари Мальтада бўлиб ўтган учрашувда совуқ урушнинг тугагани расман эълон қилинди.
Совуқ уруш – марказларида Совет Иттифоқи ва АҚШ бўлган икки блокка кирувчи давлатлар ўртасида 1946 йилдан 1980-йилларнинг охиригача давом этган глобал геосиёсий, иқтисодий ва мафкуравий қарама-қаршиликдир. Ушбу кураш Совет Иттифоқи ва АҚШнинг дунё сиёсатида етакчи бўлиш учун уринишлари билан кечди. Ҳар икки давлат тўғридан-тўғри ҳарбий низога бормаган бўлса-да, уларнинг ўртасидаги рақобат турли мамлакатларда қуролли тўқнашувлар келиб чиқишига туртки берди. Совет Иттифоқи ва АҚШ қуролланиш пойгасига зўр берди.
1990 йилнинг ноябрида Парижда Европа учун янги хартиянинг қабул қилиниши билан совуқ уруш чиндан ҳам тугаганини билдирилди.
