Telegram каналимизга аъзо бўлинг
Ахлоқ

Таваккул

1026

XXXIII БОБ

Таваккул – хотиржамликсиз безовталик ва безовталиксиз хотиржамликдир (бошқача айтилса: хотиржамликдан безовта бўлиш, безов­таликдан хотирни жам қилиш). Бу дегани, фаровонликка ҳам, етишмовчиликка ҳам баробар қараш, бирдай муносабатда бўлишдир. Яъни, Ўз тақдирингизни ҳеч шубҳаланмасдан, иккиланмасдан Аллоҳнинг ихтиёрига тамомила топширишингиз лозимдир. Ана шундагина ­кўнг­лингизда ҳеч нарса бузолмайдиган, мустаҳкам хотиржамлик қарор топади. Агар имонингиз хусусида ёхуд диний кўрсатмаларни мукаммал бажармаётганингиз ҳақида Аллоҳ қалбингизга безовталик солган бўлса, унинг иродасисиз (Ўзи хоҳламаса) кўнглингиз хотиржам бўлмайди.

Таваккул тушунчасига аниқлик киритиб, олимлар кўплаб таърифлар беришган:

1. Таваккул – Аллоҳнинг қазою қадарини гап-сўзсиз қабул қилиш, кўнгилни доимо Унга улаш, берган насибаси билан кифояланиш. 

2. Таваккул – чора-тадбирдан воз кечиш.

3. Таваккул – фақат Аллоҳдангина тилаш, одамлар қўлидагидан умидвор бўлмаслик. 

4. Таваккул – барча нарсада Аллоҳни кифоя деб билиш ва Унгагина таяниш.

5. Фаришталар пайғамбари Жаброил алайҳиссалом дейдилар:

 “Таваккул – бу одамлардан тамомила умидни узиш ҳамда уларнинг қўлидан фойда ё зиён ҳам, бир нарса бериш ё қайтариш ҳам келмаслигини англаб олишдир. Таваккулнинг шарти кўнгилнинг Аллоҳдан ўзга нарсадан кечишидир”.

Таваккул – бу пайғамбарлар (алайҳимуссалом) сифатидир.

Итоаткорлик (таслим) – бу Иброҳим Халилуллоҳнинг, барча кору ҳолда Аллоҳга таваккул этиш (тафвиз) ҳазрат Пайғамбаримиз соллаллоҳу алайҳи ва салламнинг муборак сифатларидир.

Таваккулчи мўмин худди онасининг кўксидан бошқа нарсани билмайдиган чақалоққа ўхшайди – Яратганидан ўзгага талпинмайди.

(давоми бор)

"Ахлоқус солиҳийн" китобидан олинди.

Китоб Вазирлар Маҳкамаси ҳузуридаги Дин ишлари бўйича Қўмитанинг 19.12.2019 йилдаги №7231-сонли хулосаси асосида чоп этилган.

«Azon kitoblari» нашриёти

УЛАШИНГ:

Теглар:

Мавзуга доир:

Пандемия халқаро можароларга туртки берди – эксперт

162 21:34 30.01.2023

Бувижон, мен барибир келаман

553 19:40 30.01.2023

Қуръони карим борасида 25 та ҳақиқат

708 18:40 30.01.2023

Кўнгилли аскарларни Мудофаа вазирлиги таъминлайди

419 17:20 30.01.2023

Washington Post: АҚШ Украинага Абрамс танкларини юборилиши ҳақида маълумот берди

454 16:40 30.01.2023

Покистон масжидида портлаш: ўнлаб киши ҳалок бўлди

429 15:58 30.01.2023
« Орқага