Илм

Тавба сураси тафсири

952

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

 

Аллоҳ Тавба сурасида шундай марҳамат қилади:

Тавба 5. Бас, ҳаром ойлар чиққанда, мушрикларни қаерда топсангиз, ўлдиринглар, тутинглар, қамал қилинглар ва уларни ҳар бир кузатиш жойида пойланглар. Агар тавба қилсалар, намозни тўкис адо этсалар ва закотни берсалар, йўлларини бўшатиб қўйинглар. Албатта, Аллоҳ ўта мағфиратлидир, ўта раҳмлидир.

Сиртдан қаралса, ўта шафқатсиз амрга ўхшайди. Кўпчилик, жумладан, мусулмонлар ҳам оятнинг фақат биринчи ярмига эътибор берадилар.

«Бас, ҳаром ойлар чиққанда, мушрикларни қаерда топсангиз, ўлдиринглар, тутинглар, қамал қилинглар ва уларни ҳар бир кузатиш жойида пойланглар».

«Аллоҳ «Мушрикларни қаерда учратсангиз, ўлдиринглар, асир олинглар, қамал қилинглар ва уларни ҳар жойда пойлаб туринглар», деган, «Ундай ёки бундай қилиш лозим», дея кўп гапирадилар. Лекин воқеъликни ҳамда оятнинг иккинчи ярмини эсдан чиқарадилар.

Маълумки, мушриклар билан урушлар Набий соллаллоҳу алайҳи васалламнинг ҳижратларидан кейин бошланган, жами ўттизга яқин уруш ва тўқнашув бўлган, уларда икки юзга яқин мушрик ўлган. Тарих китобларида уларнинг номлари ҳам айтиб ўтилган. Яъни ҳамма нарса аниқ ва ҳужжатли. Қолаверса, бу оятдаги амр йигирма икки йиллик сабр-чидам натижасидир. Бошқача айтганда, тушунтириш, турли йўлларни ахтариш ва аҳднома тузишлар наф бермаганидан сўнг, шунингдек, чор атрофни хавф-хатар ўраб олгандан кейин Ислом марказини ички душмандан тозалаш ниятида қилинган буйруқдир. Бу амрдан мақсад одамларни қириб ташлаш эмас, балки ҳақиқатни яхшилик билан тушунмаганларга бир оз таъсир ўтказиш экани оятнинг иккинчи ярмидан ҳам билиниб турибди.

«Агар тавба қилсалар, намозни тўкис адо этсалар ва закотни берсалар, йўлларини бўшатиб қўйинглар».

Демак, бунда йигирма икки йиллик азоб-уқубат, мушриклар етказган жароҳатлар учун ўч олиш фикри йўқ. Улар тавба этиб, ширкдан қайтсалар, иймон келтириб, мусулмонлик амалларини қилсалар, жумладан, намоз ўқиб, закот берсалар, бўлди, ўз йўлларида кетаверадилар, уларга ҳеч ким тегмайди. Улар ҳам исломий жамиятнинг тўла ҳуқуқли аъзолари бўладилар.

«Албатта, Аллоҳ ўта мағфиратлидир, ўта раҳмлидир».

Аллоҳ уларнинг аввалги гуноҳларини кечиради, уларга раҳм-шафқат кўрсатади.

 

Муаллиф Шайх Муҳаммад Содиқ Муҳаммад Юсуф

Манба tafsirihilol.uz

УЛАШИНГ:

Теглар:

Мавзуга доир:

Қуръонда номи зикр этилган қавмлар

798 11:35 24.09.2020

Швециялик имом мусулмонларни провокацияларга берилмасликка чақирди

1032 16:27 13.09.2020

Қуръони Каримда зикр қилинган масжидлар

451 10:30 12.09.2020

Қуръонда "Эр ва хотин бир бирларига мос бўлади", дейилганми?

1697 17:30 11.09.2020

Христиан дунёсининг Қуръоннинг таржималарига қаратилган миссионерлик хуружлари

1415 12:30 11.09.2020

Синдирилган эшик ёхуд пайғамбаримизнинг тасдиқланаётган башоратлари...

2948 10:10 08.09.2020
« Орқага