Бугун тонгда 36 ёшли журналист Александр Нечаев вафот этганлиги ҳақида маълум қилинган. Ҳолати юзасидан Мирзо Улуғбек тумани прокуратураси томонидан терговга қадар текширув ҳаракатларини ўтказиш бошланган эди.

Ўлим сабабини аниқлаш учун суд-тиббий экспертизаси тайинланган.

Суд-тиббиёт экспертизасининг дастлабки хулосасига кўра, А.Нечаевнинг ўлими "сурункали юрак-ўпка етишмовчилиги, юракнинг сурункали ишемик касаллиги"дан келиб чиққан.  

А.Нечаевнинг танаси кўздан кечирилганда тан жароҳатлари аниқланмаган.