Бугун Қозоғистон пойтахти Нур-Султон шаҳрида мамлакат Мусулмонлар идорасининг навбатдан ташқари ІХ қурултойи бўлиб ўтди. Унда муфтий Серикбай Ўраз ўз ўрнига Наврўзбай Тағанулини тавсия қилди.
Мусулмонлар идораси матбуот хизматининг хабар беришича, қурултойга йиғилган 300 делегат Тағанулининг номзодини бир овоздан маъқуллади.
Наврўзбай Тағанули журналистларга берган интервьюсида жорий йилда бир қатор йирик лойиҳаларни амалга оширишни, хусусан, ўттизта масжидда таъмирлаш ишларини ўтказишни, талабаларга грант ажратишни ва эҳтиёжманд оилалар учун ёрдам кўрсатишни режалаштирганини айтди.
У аввалроқ муфтийнинг биринчи ўринбосари, “Ҳазрат Султон” масжидининг бош имоми бўлиб ишлаган.
42 ёшли Наврўзбай Тағанули Тошкентдаги Имом Бухорий номидаги ислом инстутитини тамомлаган, Мисрда ва Қозоғистонда таҳсил олган.
