Янгиликлар

Тошкентда яна бир янги масжид очилди

1701

Аллоҳ таолога шукрки, жорий йилимиз кўплаб янгилик, яхши хабарларга бой бўлмоқда. Хабарингиз бор, Рамазон ойида Тошкент шаҳрида “Шайх Муҳаммад Содиқ Муҳаммад Юсуф”, “Сузук ота”, Термиз шаҳрида “Ҳаким Термизий” номида янги масжид-мажмуалар очилган эди. Баракотли ойдан кейин ҳам хушхабарлар давом этиб, Тошкент шаҳридаги яна бир масжид давлат рўйхатидан ўтказилиб, ўз фаолиятини бошлади. Бу ҳақда Ўзбекистон мусулмонлари идораси Масжидлар бўлими хабар бермоқда.

Бугун, 12 июнь куни Учтепа туманидаги “Кўркамобод” маҳалласида “Файзуллахўжа ўғли Муродҳожи” жоме масжиди расмий фаолият бошлади. Масжиднинг очилиш маросимида Ўзбекистон мусулмонлари идораси раиси, муфтий Усмонхон Алимов ҳазратлари иштирок этдилар. Муфтий ҳазратлари жамоани янги масжид билан қутлаб, Аллоҳнинг байтида тоат-ибодатлар, солиҳ амаллар, Қуръони карим тиловати Қиёмат қадар давом этишини тиладилар. Шунингдек, ташкилий ишларда фаоллик кўрсатган пок ниятли кишилар ҳаққига дуолар қилдилар.

Аслида, ушбу ибодат уйи 1997 йилда қурилган бўлиб, маҳаллий масжид сифатида фаолият юритиб келган. Маҳалланинг жонкуяр кишилари, кўпни кўрган кексалари томонидан масжидни давлат рўйхатидан ўтказиш учун қилинган саъй-ҳаракатлар самараси ўлароқ бугун маҳалла аҳлига Аллоҳ таоло ушбу мўътабар жоме масжидни инъом этди.

– Бизга энг яқин масжид “Саид Ваққос ота” жоме масжидига қатнаш учун катта йўлни кесиб ўтиш керак эди. Бу эса маҳалла аҳлига, айниқса, кексаларга катта қийинчилик туғдирарди. Шунда маҳалламизда масжид қуриш зарурати борлиги учун фаоллар билан бир масжид барпо этишни маслаҳат қилганмиз. 1997 йилда халқ ҳашари билан масжид қурилди, 2006 йилда қайта таъмирланди. Алҳамдулиллаҳ, бугун мутасадди ташкилотлар мурожаатларимизни ижобий ҳал қилиб беришди, - дейди маҳалла фаоли Саидкарим Сотволдиев.

Аллоҳ таборака ва таоло ушбу жоме масжидни халқимизга муборак айласин, янги масжидлар сонини янада зиёда қилсин.

УЛАШИНГ:

Теглар:

Мавзуга доир:

Тошкентда доимий яшаш жойида рўйхатдан ўтиш тартиби тўғрисидаги янги Низом ҳақида

627 22:00 25.05.2020

Саудияда қолиб кетган юртдошларимиз олиб келинди

451 14:33 25.05.2020

Тошкент яқинида советларнинг қаҳрамонига ҳайкал ўрнатилди

3289 12:11 18.05.2020

“Билайн”нинг юзга яқин ходими карантинга олинди

773 08:00 12.05.2020

Тошкент: Фарҳод автомобиль эҳтиёт қисмлари бозорида коронавирус аниқландими?

1141 20:00 11.05.2020

Тошкентдаги собиқ «ГУМ» сотилади

572 14:07 09.05.2020
« Орқага