Американинг собиқ президенти Донадьд Трамп коронавирус пандемияси оқибатида ҳалок бўлганлар ва етказилган зарарлар учун Хитой АҚШ ва бошқа давлатларга 10 триллион доллар товон тўлаши кераклигини таъкидлади.

«Албатта, бу камайтирилган сумма», – деди Трамп Шимолий Каролинада бўлиб ўтган республикачилар конференциясида. Унинг фикрига кўра, дунё давлатлари Пекиндан товон талаб қилиши зарур.

Трамп президентлик даврида ҳам Хитойни коронавирусни тарқатишда айблаган ва касалликни «Хитой вируси» деб атаган эди.
Ҳозирги президент Жо Байден эса май ойи охирида АҚШ разведкасига коронавируснинг келиб чиқиши бўйича барча версияларни, хусусан, вирус лабораториядан тарқалган бўлиши мумкинлиги ҳақидаги тахминни ўрганишга кўрсатма берди. Байденнинг сўзларига кўра, америкалик разведкачилар коронавируснинг келиб чиқиши бўйича якдил фикрда эмас: баъзилари пандемиянинг бошланишини лабораториядаги ҳодиса билан боғласа, бошқалари вирус касаллангандан ҳайвондан одамга юқиши оқибатида тарқалганига ишонмоқда.

Байденнинг соғлиқни сақлаш бўйича собиқ маслаҳатчиси Энтони Фаучи ҳам аввалига вируснинг ҳайвондан одамга юққанини айтган эди. Бироқ яқинда у Covid-19 табиий йўл билан келиб чиққанига энди ишонмаётганини маълум қилди.