Трамп: «Жанубий Корея АҚШнинг рухсатисиз КХДРга қарши санкцияларни бекор қилмайди»

18:40 11.10.2018 298

Америка Қўшма Штатлари президенти Дональд Трампнинг маълум қилишича, Жанубий Корея АҚШнинг маъқулловисиз КХДРга нисбатан жорий этилган санкцияларни бекор қилмайди. Бу ҳақда Reuters хабар бермоқда, деб ёзади Kun.uz нашри.

Трампнинг сўзларига кўра, Жанубий Корея ҳукумати Қўшма Штатларнинг маъқулловисиз ҳеч қандай қадамларни қўймаяпти ва қўймайди.

«Улар (Жанубий Корея) бизнинг розилигимизни олмай туриб санкцияларни бекор қилишмайди», - дея айтиб ўтди Трамп.

Эслатиб ўтамиз, аввалроқ Трамп Ким Чен Ин билан қачон учрашишини айтганди.

Унинг маълум қилишича, Шимолий Корея раҳбари Ким Чен Ин билан янги учрашуви Америка конгрессига сайловлардан кейин юз беради.

Azon.uz янгиликларини Telegram'да ҳам кузатиб боринг!