Трамп: “Яқин Шарққа 120 минг аскар жўнатмоқчи эмасман”

13:30 15.05.2019 605

АҚШ президенти Дональд Трамп Яқин Шарққа 120 минг аскар жўнатилиши ҳақидаги хабар ҳақиқатга тўғри келмаслигини билдирди, дея хабар бермоқда DW.  

Эронга қаршилик кўрсатиш мақсадида Яқин Шарққа 120 минг америкалик аскар жўнатилиши ҳақидаги хабарни New York Times газетаси президент маъмуриятидаги манбаларига таянган ҳолда тарқатган эди.

“Менимча, бу ёлғон хабар. Хўш, буни қила оламанми? Албатта. Бироқ биз бунга тайёргарлик кўрмадик. Умид қиламанки, бундай тайёргарлик кўришимизга тўғри келмайди. Мажбур бўлсак, ундан ҳам кўпроқ аскар жўнатамиз”, – деди Трамп.

Эронинг диний раҳнамоси Оятуллоҳ Али Ҳаманай ҳам АҚШ билан уруш бўлмаслигини, чунки ҳар икки томон ҳам урушиш ниятида эмаслигини билдирди.

Azon.uz янгиликларини Telegram'да ҳам кузатиб боринг!