Туркия қишлоқ хўжалигидан миллиардлаб доллар фойда олмоқда

10:30 19.08.2019 1423

Туркия Қишлоқ хўжалиги вазири Бакр Демирлининг сўзларига қараганда, мамлакатнинг қишлоқ хўжалиги маҳсулотларидан йиллик даромади сўнгги 16 йил ичида 37 миллиард лирадан (6,7 миллиард доллар) 213,4 миллиард лирага (38,8 миллиард доллар) ошган. Бу ҳақда «Анадолу» хабар бермоқда.

Якшанба куни вазирлик берган баёнотда Туркия тўртта қишлоқ хўжалиги маҳсулотларини ишлаб чиқарувчи ва экспорт қилувчи энг йирик мамлакатлардан бирига айлаганини айтилган.

Вазирнинг қўшимча қилишича, Туркия фундук, гилос, анжир ва ўрик етиштириш ва экспорт қилиш бўйича дунёда биринчи ўринда туради.

«Дунёда жами фундукнинг 67 фоизини, гилоснинг 26 фоизини, анжирнинг 27 фоизини ва ўрикнинг 23 фоизини Туркия етиштиради», – деди Демирли.

Унинг таъкидлашича, Туркия мазкур тўртта маҳсулотни экспорт қилишдан 2,17 миллиард доллар даромад олган.

«Бизнинг қишлоқ хўжалиги маҳсулотларини экспорт қилиш 2002 йилда 3,7 миллиард долларни ташкил этган бўлса, 2018 йил охирига келиб бу кўрсаткич 17,7 миллиард долларга етди», – деди вазир.

Azon.uz янгиликларини Telegram'да ҳам кузатиб боринг!