Кеча эрталаб Қаҳрамонмарашда содир бўлган 7,7 ва 7,6 балли зилзилалар Туркияни ларзага солди. Охирги маълумотларга кўра, 10 вилоятда содир бўлган ва кўплаб биноларни вайрон қилган икки кучли зилзилада 1651 киши ҳаётдан кўз юмган, 11 минг 119 киши тан жароҳати олган. Туркия Президенти Ражап Таййип Эрдоған ижтимоий тармоқлардаги саҳифаси орқали зилзилалар сабаб кейин 7 кунлик миллий мотам эълон қилинганини маълум қилди. “2023 йилнинг 6 феврал куни мамлакатимизда содир бўлган зилзилалар муносабати билан етти кунлик миллий мотам эълон қилинди. бутун мамлакат бўйлаб ва хорижий ваколатхоналаримиздаги байроқларимиз 12 февраль якшанба куни қуёш ботгунича ярим туширилган ҳолатда бўлади”, деб ёзилган Президент Эрдоғаннинг ижтимоий тармоқлардаги саҳифасида.