Янгиликлар

Туркиядаги ўзбекистонликлар маҳаллий қонун-қоидаларга риоя этишга чақирилди

745

Ўзбекистоннинг Истанбулдаги Бош консулхонаси Туркияда бўлиб турган ёки у ерга бормоқчи бўлган фуқароларга мурожаат қилди.

Қайд этилишича, ҳозирги пайтда Туркиянинг Истанбул шаҳрида ноқонуний юрган хорижий фуқароларни аниқлаш ва уларни мамлакатдан чиқариб юбориш борасида транспорт воситаларида, иш ва яшаш ҳамда жамоат жойларида мунтазам текширувлар олиб борилмоқда.

Ҳуқуқни муҳофаза қилувчи идоралар томонидан хорижий фуқароларга қўйилган талаблар ва зарур меъёрий ҳужжатларни ўрганиш ва ватандошларнинг ҳуқуқбузар ҳолатига тушиб қолишининг олдини олиш мақсадида Ўзбекистоннинг Истанбул шаҳридаги Бош консулхонаси шаҳар Хавфсизлик бошқармаси ва миграция хизмати раҳбарияти билан учрашувлар ўтказган.

Турк мутахассисларининг таъкидлашича, аксар хорижий фуқаролар Туркияда яшаш ҳуқуқини берувчи (ikаmеt izni) ва ишлашга рухсат берувчи (çalişma izni) ҳужжатлар фарқини билмайди.

Қонунга мувофиқ яшаш ҳуқуқини берувчи ҳужжатга эга чет эл фуқаролари Туркия ҳудудида ишлашни истасалар, албатта, қўшимча ишлашга рухсат берувчи ҳужжатларга ҳам эга бўлишлари шарт. Акс ҳолда улар қонунни бузган ҳисобланади ва уларга нисбатан чоралар кўрилади.

Маълумки, 2018 йилнинг октябрь ойидан бошлаб Туркия Ўзбекистон фуқароларига Туркия ҳудудида 90 кун давомида визасиз юришга рухсат бериш тўғрисида қарор қабул қилган. Бу муддат Туркияда ишлаш мақсадида келган хорижий фуқароларга яшаш ҳуқуқи ва ишлашга рухсат берувчи ҳужжатларни расмийлаштириш учун етарли муддат ҳисобланади.

Бундан ташқари Туркиянинг хорижий мамлакатлардаги дипломатик ваколатхоналарида турк иш берувчилари билан икки томонлама шартномалар тузиш орқали Туркияга келишидан олдин ҳам ишлаш ҳуқуқини берувчи ҳужжатларини расмийлаштириш имконияти мавжуд. Бу эса ишлашга келмоқчи бўлган фуқароларнинг ишини сезиларли даражада осонлаштиради.

Шу муносабат билан Бош консулхона Туркияда бўлиб турган ёки у ерга бормоқчи бўлган Ўзбекистон фуқароларини барча керакли ҳужжатларни ўз вақтида расмийлаштиришга ва мамлакатда мавжуд қонун-қоидаларга риоя қилишга чақирди.

УЛАШИНГ:

Теглар:

Мавзуга доир:

Тарихда бугун: Туркияда “постмодерн тўнтариш” – динга қарши кураш бошланди

340 14:00 28.02.2020

Туркия YouTube ва ижтимоий тармоқларни блоклаб қўйди

379 12:00 28.02.2020

Туркия: “Суриялик қочқинларни энди тўхтатиб тура олмаймиз”

430 11:00 28.02.2020

Сурияда ўнлаб турк аскарлари ҳалок бўлди. Анқара қасос олишга киришди

894 09:24 28.02.2020

Тарихда бугун: Нажмиддин Эрбакан оламдан ўтди

465 19:30 27.02.2020

Туркия Эрон билан чегарада кўчма шифохоналар жойлаштиряпти

252 21:30 26.02.2020
« Орқага