Telegram каналимизга аъзо бўлинг
Янгиликлар

Туркияни ҳам Афғонистон муаммосини ҳал қилишга жалб этиш таклифи билдирилди

1249

Тошкентдаги брифингда Покистон Бош вазири Имрон Хон Афғонистон можаросини ҳал қилишда Туркияни жалб қилишни ва Афғонистон қўшниларининг саммитини ўтказишни таклиф қилган.

Покистон раҳбарининг сўзларига кўра, Ўзбекистон Президенти Шавкат Мирзиёев билан музокаралар чоғида томонлар Афғонистондаги сиёсий вазиятни атрофлича муҳокама қилишган.

«Биз, Афғонистоннинг қўшнилари сифатида, бу масаладан хавотирдамиз. Афғонистоннинг қардош халқи сўнгги 40 йил ичида урушлардан азият чекди. Афғонистонда тинчликка эришиш тинчлик йўлида сиёсий келишувни талаб қилади. Биз буни батафсил муҳокама қилдик. Шунингдек, биз Афғонистонга қўшни давлатлар - Ўзбекистон, Тожикистон, Эрон, Покистон ва ҳаттоки Туркия - биз Афғонистондаги тинчлик жараёнини енгиллаштириш учун саъй-ҳаракатларни амалга оширамиз деб ишонамиз», - деган у.

Имрон Хон аввало ушбу масала бўйича мамлакатлар ташқи ишлар вазирлари учрашишига умид билдирди. «Кейин биз фуқаролар уруши каби ҳолатни тўхтатишимиз учун [давлат раҳбарлари] саммитини ташкил этишга ҳаракат қиламиз», деган Покистон бош вазири.

Пресс-брифинг чоғида Президент Шавкат Мирзиёев Ўзбекистон ва Покистон бир мақсад - Афғонистон заминида тинчлик ва барқарорликни иложи борича тезроқ ўрнатишни кўзлаётганини таъкидлади.

14 июн куни Туркия президенти Ражаб Тоййиб Эрдоған Кобул Ҳамид Карзай номидаги аэропортда АҚШ молиявий ва сиёсий ёрдам кўрсатадиган бўлса, чекланган контингентни сақлашга тайёрлигини эълон қилди. Турклар у ерга 2013 йилдан бери жалб қилинган. «Толибон» ҳаракати буни оккупациянинг давоми деб қабул қилди ва ҳужумлар билан таҳдид қилиб турк қўшинларидан Афғонистон ҳудудини тарк этишни талаб қилди.

14 июл куни Шанхай Ҳамкорлик Ташкилотига аъзо давлатлар бирлашган ва демократик Афғонистон учун чиқиш қилиб, мамлакатдаги можаро томонларини куч ишлатишдан тийилишга чақирди. АҚШ президентининг маслаҳатчиси Элизабет Шервуд-Рэндалл Тошкентдаги учрашувда АҚШ Афғонистондаги тинчлик музокараларини қўллаб-қувватлашда давом этишини, шунингдек, афғон мудофаа кучларига ёрдам беришини айтган.

УЛАШИНГ:

Теглар:

Мавзуга доир:

“Туркия географик ва стратегик жиҳатдан муҳим давлат” – НАТО Бош котиби

85 23:45 25.05.2022

Мевлут Чавушўғли ва Маҳмуд Аббос Фаластин масаласини муҳокама қилди

105 23:25 25.05.2022

Туркия нима учун Швеция ва Финляндиянинг НАТОга аъзо бўлишига қарши?

631 16:00 25.05.2022

Шемахи – Турк дунёсининг сайёҳлик пойтахти 

311 10:45 25.05.2022

Туркия Швеция ва Финляндиянинг НАТОга кириши учун расмий талабларини эълон қилди

1149 08:14 24.05.2022

"Lend lize" АҚШ совғаси(ми?) НАТО калити Туркия қўлига ўтмоқда

1789 16:15 22.05.2022
« Орқага