Туркманистонда масжидлар ва зиёратгоҳлар 2021 йилнинг 1 январигача ёпиқ бўлади. Бу ҳақда “Туркменпортал” нашри мамлакат мусулмонлари идорасига таянган ҳолда хабар тарқатди.
Хабарда айтилишича, ушбу чора Касалликларга қарши курашиш бўйича фавқулодда комиссиянинг жорий йил 26 августдаги қарори билан боғлиқ бўлиб, юқумли касалликларнинг олдини олишга қаратилган.
Масжидлар ёпиқ бўлса-да, беш вақт азон тўхтамайди.
Туркманистонда масжидлар ва зиёратгоҳлар 13 июлда ёпилган эди. Мазкур мамлакатда расман коронавирус аниқланмаган, бироқ бир қатор профилактика чоралари жорий этилган.
