Telegram каналимизга аъзо бўлинг
Янгиликлар

Туркманистондан янги «кашфиёт» – пиёнисталарга иш топилди

2729

Туркманистоннинг Болқон вилоятида милиция пиёнисталар, алимент тўламаганлар ва фоҳишалик билан шуғулланган шахсларни  фуқароларни мажбуран пахта теримига юбора бошлаган, деб хабар берди «Азия плюс» ахборот агентлиги.

Полиция ходимлари одамларни милиция бўлимига чақириб, ишга юбора бошлаган.

«Бу фуқаролар зўрлик билан Сердар этрапининг “Азади”, “Яшлик”, “Сарп” ва “Жаноҳир” фермер хўжаликларининг пахта далаларига, шунингдек, Берекет этрапининг “Узунсув”, Махтумқули ва “Туркманистон” фермер хўжаликларига юборилган», дейилади манба хабарида.

Унинг сўзларига кўра, полиция уни «ахлоқ тузатиш ишлари» деб баҳолайди ва бу ишлар «жазонинг бир қисми» деб ҳисобланмоқда. Аввалроқ «Озодлик» радиосининг туркман хизмати давлат хизматчиларини пахта далаларига мажбуран юборилгани ҳақида хабар берган эди. 24 август куни оммавий ахборот воситаларида Лебап вилоятида қўриқчи полкининг ходимлари пахта теримига жалб қилинганлиги, 27 августда ўқитувчилар ва ўрта мактаб ўқувчилари ҳам далага мажбуран юборилгани ҳақида хабар берилган.

30 август куни нодавлат оммавий ахборот воситалари расмийлар алимент тўлашга мажбур бўлган фуқароларни пахта теримига мажбурлашаётгани ҳақида хабар тарқатишди.

Маълумотларга кўра, Туркманистон бу йил 1,25 миллион тонна пахта теришни режалаштирган. Мамлакатда мажбурий меҳнат нафақат пахта теримида эмас, балки уни етиштириш жараёнида ҳам қўлланилади. Халқаро инсон ҳуқуқлари ташкилотлари Туркманистонни пахта теримида мажбурий ва болалар меҳнатидан фойдаланаётганини танқид қилган. Уларнинг веб-сайтларида эълон қилинган маълумотларга кўра, 2021 йил 10 августга қадар 138 та глобал бренд халқаро кампанияга қўшилиб, туркман пахтасини товар ишлаб чиқаришда ишлатмасликка ваъда берган.

УЛАШИНГ:

Теглар:

Мавзуга доир:

Эмомали Раҳмон ва Сардор Бердимуҳамедов ҳам Самарқандга ташриф буюрди 

208 10:32 15.09.2022

Туркманистон ҳукумати Туркиядан вақтинчалик виза режимини жорий этишни сўради

350 12:15 05.09.2022

Туркманистон Туркиядан  ғалати илтимос қилди

5614 09:21 04.09.2022

Россия Туркманистондан газ сотиб олмоқчи

552 15:55 30.08.2022

Туркманистон нархларни давлат томонидан тартибга солишдан воз кечмоқчи

436 13:55 29.08.2022

Шавкат Мирзиёев Туркманистон ташқи ишлар вазирини мукофотлади

363 10:11 27.08.2022
« Орқага