Озарбайжон Мудофаа вазирлиги Тоғли Қорабоғдаги урушда ҳалок бўлган ва 28 декабргача дафн этилган ҳарбий хизматчиларнинг рўйхатини эълон қилди. Ушбу рўйхатда 2823 кишининг исми бор. 

Вазирликнинг маълум қилишича, айни пайтда бедарак йўқолган 30 нафар ҳарбий хизматчини қидириш ва 50 дан зиёд кишининг шахсини аниқлаш ишлари давом эттирилмоқда. Мудофаа вазирлиги янги маълумотлар мунтазам равишда жамоатчилик эътиборига тақдим этилишини билдирди. 

Жорий йилнинг 27 сентябрида бошланган ва 44 кун давом этган урушда Озарбайжон армияси Тоғли Қорабоғдаги 5 шаҳар, 4 шаҳарча ва 286 қишлоқни арманлардан озод қилди. Урушда енгилганини қабул қилган Арманистон Ағдам, Лочин ва Келбажар туманларини Озарбайжонга қайтариб берди. 

Аввалроқ урушда 2802 нафар Озарбайжон ҳарбийлари ҳалок бўлгани айтилган эди.