Telegram каналимизга аъзо бўлинг
Янгиликлар

Уйғур мусулмонлари Венада ифторлик уюштирди

599

Уйғур мусулмонлари Австриянинг пойтахти Венада «Шарқий Туркистонда рўза тақиқланган» мавзуида ифторлик дастури уюштирди.

Австрия Уйғур иттифоқи томонидан уюштирилган ифтор дастурига Венада яшаётган уйғур туркларидан ташқари кўп сонли меҳмон қатнашди.

Жаҳон Уйғур Конгресси Президенти Тўлқун Исо ўз нутқида Хитойнинг деярли 70 йил давомида уйғур туркларига қарши олиб борган репрессив амалиётига тўхталди.

Иса, уйғур туркларининг ўз овозини дунёга етказиш учун қилган саъй-ҳаракатлари ҳақида гапирар экан, бу кампания доирасида Англиянинг пойтахти Лондонда «Мустақил Уйғур Трибунали» ташкил этилганини айтди.

Бу маҳкама томонидан олиб борилган терговлар натижасида Хитойнинг уйғур туркларига нисбатан қилган ҳаракатлари «инсониятга қарши жиноят» сифатида баҳоланганини билдирган.

Исо сўнгги йилларда айрим Ғарб давлатлари парламентларида Пекин маъмуриятининг репрессив ҳаракатлари «геноцид» сифатида қабул қилинганини қўшимча қилди.

Унинг қайд этишича, 2017 йилдан бери Хитойнинг уйғур туркларига нисбатан «ассимиляция сиёсати» анча қаттиқлашган. Исо 2021 йил октябрь ойида Бирлашган Миллатлар Ташкилотига (БМТ) аъзо 43 давлат Шарқий Туркистондаги инсоният фожиасини қоралаганини эслатди.

«Афсуски, мусулмон давлатларидан фақат Туркия, Босния ва Герцеговина ҳамда Албания Хитойнинг ҳаракатларини қоралаган, қолган мусулмон давлатлари эса бундан тийилди», - дея таъкидлаган Тўлқун Исо.

УЛАШИНГ:

Теглар:

Мавзуга доир:

БМТ Олий комиссари Хитойни мусулмонларга доир сиёсатини “қайта кўриб чиқиш”га чақирди

528 18:20 30.05.2022

Замонавий Хитойнинг уйғурларга нисбатан сиёсати тарихи, сабаблари ва натижалари

1822 12:02 16.04.2022

Саудия Арабистони АҚШдан узоқлашиб, Хитойга яқинлашмоқда(ми?)

1528 11:40 22.03.2022

Хитой БМТ вакилининг уйғурлар ҳолидан хабар олишига рухсат бермаяпти

1245 11:00 07.02.2022

Халқаро Имомлар кенгаши Пекин Олимпиадасини бойкот қилишга чақирди

2762 19:05 03.01.2022
« Орқага