Янгиликлар

Ўзбекистон Бош санитария врачи коронавирус бўйича халққа мурожаат қилди

1982

Соғлиқни сақлаш вазирлиги ҳузуридаги Санитария-эпидиологик осойишталик агентлиги директори, Ўзбекистон Республикаси бош санитария врачи Баҳром Алиматов ўзбекистонликларга мурожаат қилди ва ҳаммаси жойида экани ҳақида маълумот берган. Шунингдек, мутахассис Хитойдаги ватандошлар билан боғлиқ вазиятга ҳам ойдинлик киритган. 

“Ташқи ишлар вазирлиги билан Хитойдаги элчихоналаримиз орқали Ухан ва бошқа касаллик қайд этилган провинциялардаги фуқароларимизнинг соғлиғи устидан назорат ўрнатганмиз. Бугунги кунда Ўзбекистон фуқаролари орасида ушбу касаллик келиб чиққан ҳудудларда касалликка чалинганлари йўқ. Уларга соғлиғи масаласида қанақа ёрдам керак бўлса, бериб келмоқдамиз. Уларнинг Ватанга қайтиши назоратга олинган”, дейди мутахассис.

Ўзбекистон Республикаси Бош санитария врачи коронавирус бўйича фуқаролар орасида ҳеч қандай хавотирга ўрин йўқлигини айтган. 

“Халқимизга мурожаат қилиб шуни айтмоқчиманки, бугунги кунда ортиқча хавотирга ўрин йўқ. Мамлакатимизда эпидемиологик вазият барқарор. Ташқаридан коронавирус ва бошқа ўта хавфли юқумли касалликлар кириб келишини олдини олиш бўйича профилактик чора-тадбирлар доимий равишда ўтказилиб борилмоқда. Ўртада тўсиқ-тизим мавжуд. Агар касалликка гумон қилинган шахслар аниқланадиган бўлса, уларни ташхисни қўйиб даволаш ва соғлом қатламдан муҳофаза қилиш чора-тадбирлари ишлаб чиқилган”, деб қўшимча қилган Баҳром Алиматов.

Соғлиқни сақлаш ходимининг сўзларига кўра, ҳолатни назорат қилиш бўйича  Божхона қўмитаси, Фавқулодда вазиятлар вазирлиги, Чегара қўшинлари, Бош прокуратура ва бошқа ташкилотлар ҳамкорлигида ишлар олиб борилмоқда.

УЛАШИНГ:

Теглар:

Мавзуга доир:

Украинадаги қишлоқ аҳолиси коронавирусга қарши ғайриоддий усулда курашмоқда

424 19:40 20.02.2020

Икки йўловчи коронавирусдан вафот этди

346 11:40 20.02.2020

Коронавирус кимлар учун кўпроқ хавфли?

1085 09:20 20.02.2020

Эронда ҳам коронавирус юққан кишилар аниқланди 

475 21:20 19.02.2020

Хитойдан қайтганлар билан суҳбат

983 19:40 19.02.2020

Карантиндаги 500 киши кемадан ерга тушди

272 16:40 19.02.2020
« Орқага