Telegram каналимизга аъзо бўлинг
Янгиликлар

Ўзбекистон бўйлаб таҳоратхона ва намозхоналар қурилади

5125

Ўзбекистон Республикаси Президентнинг “Ўзбекистон Республикасида туризм хизматларини янада диверсификация қилиш чора-тадбирлари тўғрисида”ги қарори лойиҳаси муҳокама учун жойлаштирилди.

Унга кўра, 2020 йил 1 январдан меҳмондўстлик даражаси ва объектнинг санитар нормалар ва қоидаларига, маҳсулотнинг тури ва сифати, хавфсизлик чораларини таъминлаш бўйича бошқа талабларга мувофиқлиги ҳамда ходимларининг малакасини тасдиқловчи “Tourist Friendly” (“туристларга дўстона”) тизими бўйича туризм саноати объектларини ихтиёрий сертификатлаш тизими жорий этилади.

Лойиҳада айтилишича, моддий маданий мерос объектлари ҳудудларида жойлашган, диний тадбирлар ва маросимлар, намоз ўқиш ва ибодат учун мўлжалланган диний биноларга ташриф буюрган шахслардан тўлов ундириш тақиқланади.

Шунингдек, Ўзбекистон мусулмонлари идораси қошидаги “Вақф” хайрия жамоатчилик жамғармаси ва Туризмни ривожлантириш давлат қўмитаси томонидан “Ўзбекистон туризм магистрали” (Хонобод-Мўйноқ) бўйлаб туристлар учун зарур инфратузилма объектлари (кафе, савдо нуқталари, маълумот бурчаги, дам олиш ва кўнгилочар жойлар, таҳоратхона ва намозхоналар) яратиш бўйича Ислом тараққиёти банки маблағларини жалб қилиш масаласи кўриб чиқилаётгани маълум қилинган.

Ўзбекистон Республикаси Вазирлар Маҳкамаси ҳузуридаги Дин ишлари бўйича қўмита, Маданият вазирлиги, Давлат туризм қўмитаси ва Ўзбекистон мусулмонлар идораси билан биргаликда икки ой муддатда қуйидагиларни ишлаб чиқади ва тасдиқлайди:

- туристлар учун қўшимча шароитлар яратиш мақсадида жамоат жойларида таҳорат ва ибодат қилиш жойларига хос намунавий талаблар;

- зиёрат қадамжоларида бўлиш, маданий ва ибодат биноларини зиёрат қилиш қоидалари.

УЛАШИНГ:

Теглар:

Мавзуга доир:

Қозоғистонга кўчаётган қозоқларнинг асосий қисми Ўзбекистондан

463 09:56 17.01.2022

Ўзбекистонга Россиянинг яна 144 та балиқ ва гўшт маҳсулотлари ишлаб чиқарувчиси кириб келмоқда

1799 21:05 15.01.2022

Ўзбекистонга келувчилар учун мажбурий экспресс-тест нархи маълум қилинди

675 16:40 15.01.2022

Ўзбекистон Марказий Осиёдаги ўзгаришларга ягона умид сифатида таъкидланди

1918 23:05 14.01.2022

Иш берувчилардан ходимларини коронавирусга қарши эмлашни таъминлаш сўралди

210 16:35 14.01.2022

Афғонистон Ўзбекистонга миннатдорлик билдирди

2142 12:30 14.01.2022
« Орқага