Ўзбекистон тарихида илк бор Олий Мажлис Сенати раислигига аёл киши сайланди

11:53 21.06.2019 1011

Мажлисда шу кунга қадар Сенатга раислик қилган Ниғматилла Йўлдошевнинг Ўзбекистон Республикаси Бош прокурори лавозимига тайинланиши муносабати билан унинг Сенатдаги ваколати тугатилди. Бу ҳақда “Юксалиш“ умуммиллий ҳаракати ахборот хизмати маълум қилди.

Ўзбекистон Республикаси Конституциясига мувофиқ Президент тақдимномасига асосан Сенат раиси лавозимига Хотин-қизлар қўмитаси раиси сифатида ишлаб келган Танзилла Камаловна Норбоеванинг номзоди илгари сурилди. Сенаторларнинг кўпчилик овози билан Танзилла Норбоева Сенатнинг янги раиси этиб сайланди.

Маълумот учун, Танзилла Норбоева 2016 йилнинг декабридан бошлаб Хотин-қизлар қўмитасига раҳбарлик қилиб келаётганди.

Azon.uz янгиликларини Telegram'да ҳам кузатиб боринг!