Янгиликлар

Ўзбекистон ва Қирғизистон чегарачилари ҳамкорликда машғулот ўтказдилар

509

Фарғона вилояти чегара олди ҳудудларида Ўзбекистон Республикаси ДХХ Чегара қўшинлари ва Қирғизистон Республикаси Чегара қўшинлари ҳамкорлигида биринчи бор “Шит 2019” махсус-тактик ўқув машғулоти бўлиб ўтди. Бу ҳақда ЎзА  хабар тарқатди.

Машғулот аввалида ҳар икки давлат бўлинма қўмондонларининг жанговар ҳаракатларни бошқариш ва улар орасида тажриба алмашинувини йўлга қўйиш бўйича йўл-йўриқлар ҳамда кўрсатмалар берилди. Шундан сўнг ҳамкорликдаги махсус тактик ўқув машғулотига старт берилди.

Икки давлат чегарачиларига қўйилган асосий вазифа биргаликда босқинни бартараф этиш ҳамда чегара бузғунчиларини ҳудудга ўрнашиб олишларига йўл қўймасликдир. Шу мақсадда шай ҳолатда бўлган жанговар гуруҳлар замонавий зирҳли техникаларда чегара нарядларига ёрдамга келишди ва шартли душман икки давлат чегара ҳудудида тўлиқ қуршовга олинди. Машғулотга нафақат қуруқлик, балки ҳаво кучлари ҳам жалб этилди. Реал вазиятларга тенглаштирилган барча ҳаракатлар Ўзбекистон ҳамда Қирғизистон Республикалари чегара қўшинлари раҳбарлари томонидан диққат билан кузатиб борилди.

Икки давлат чегарачилари ҳамкорлигида жанговар чиқишлар тадбирларга ўзига хос кўрк бағишлади. Бундан ташқари хизмат итларининг маҳорати, хизмат отлари ҳамда чавондозларнинг истеъдоди намойиш этилди.

Машғулот сўнгида тадбирда фаол қатнашган ҳарбий хизматчиларга кўкрак нишонлари ва эсдалик совғалари топширилди. Ўзбекистон республикаси ДХХ Чегара қўшинлари ашула ва рақс ансамблининг хушнавоз хонандалари томонидан ҳар икки миллат тилида куй ва қўшиқлар ижро этилди.

Қўшни давлатлар ўртасидаги ҳарбий ҳамкорлик ва дўстона алоқаларни янада яхшилаш Ватанимиз остонаси дахлсизлиги, сарҳадларимиз мустаҳкамлигининг кафолатидир.

УЛАШИНГ:

Теглар:

Мавзуга доир:

Касалланганлар тўғрисидаги статистика камайтириб кўрсатиляптими?

797 15:45 13.07.2020

"Ўзбекнефтегаз" Тошкентда электромобиллар учун заряд станцияларини қуради

335 15:00 13.07.2020

Халқаро эксперт Ўзбекистон тиббиётини танқид қилди

2263 10:25 13.07.2020

Ўзбекистон ва Туркия пул ўтказмаларини соддалаштирди

621 09:58 13.07.2020

Ғафур Ғулом номидаги боғ бузилмайди

562 20:42 11.07.2020

Яна учта шаҳарда Ўзбекистоннинг консуллик хизмати очилади - Россия 

352 10:57 11.07.2020
« Орқага