Янгиликлар

Ўзбекистонда космик фаолият жадаллаштирилади

554

Ўзбекистонда космик фаолиятни ривожлантириш бўйича комплекс чора-тадбирлар ишлаб чиқилди. ҚҲТБТ порталида Президент ва Ҳукумат қарорлари лойиҳалари муҳокама қилинмоқда, дея хабар бермоқда Норма.уз.

«Ўзбеккосмос» агентлигини ташкил этиш режалаштирилмоқда

Ушбу идора Вазирлар Маҳкамаси ҳузурида фаолият юритиб, қуйидагилар билан шуғулланади:

космик фаолият соҳасидаги давлат сиёсатининг устувор йўналишлари бўйича таклифлар тайёрлаш;
мамлакатимизда космик соҳани ривожлантириш давлат дастурларини ишлаб чиқиш ва амалга ошириш;
космик соҳа инфратузилмаси, космик тадқиқотлар ва технологиялар, илмий-тадқиқот, тажриба-конструкторлик ва инновацион ишларни ривожлантириш бўйича комплекс чора-тадбирларни тайёрлаш ва амалга ошириш;
кадрларни, шу жумладан етакчи хорижий институтларда тайёрлаш, қайта тайёрлаш ва малакасини ошириш тизимини ташкил этиш;
космик тадқиқотлар ва технологиялар соҳасида халқаро ҳамкорлик қилиш;
манфаатдор вазирлик ва идоралар билан биргаликда космик соҳага хорижий инвестициялар ва илғор технологияларни, шу жумладан давлат-хусусий шериклик шартларида жалб этиш мақсадида халқаро молия институтлари, донор мамлакатлар, компаниялар ва банклар билан ҳамкорликни ривожлантириш;
космик ва йўлдош технологияларини жорий этиш бўйича лойиҳаларни амалга ошириш учун маҳаллий тижорат тузилмалари, ишлаб чиқарувчилар ва молиявий маблағлар кенг жалб этилишини таъминлаш;
космик фаолиятнинг айрим йўналишлари тижоратлаштирилишини рағбатлантириш.

«Ўзбеккосмос» агентлигининг илмий-техник ва эксперт кенгашини ташкил этиш таклиф қилинмоқда. Унинг хулосалари асосида космик соҳани ривожлантиришга оид стратегик масалалар юзасидан қарорлар қабул қилинади.

Норма ижодкорлиги билан шуғулланиш лозим.

«Космик фаолият тўғрисида»ги Қонунни қабул қилиш режалаштирилмоқда.

Шунингдек 2019–2029 йилларда космик соҳани ривожлантириш концепцияси ва дастури қабул қилиниши мўлжалланмоқда, уларда қуйидагиларга эътибор берилади:

Ўзбекистонда космик соҳани ривожлантиришнинг устувор йўналишларини амалга оширишга комплекс ёндашув ва унга доир стратегик вазифалар;
саноат ва экологик хавфсизлиги юқори даражада бўлишини таъминловчи замонавий илғор технологиялардан фойдаланган ҳолда космик соҳа ва тегишли инфратузилма объектларини қуриш;
маҳаллий ва хорижий олий таълим муассасалари, ўқув марказларида мутахассисларни тайёрлаш.

Мамлакатимизда ва хорижда кадрлар тайёрланади.

Тошкент давлат техника университети, Ўзбекистон Миллий университети, Тошкент ахборот технологиялари университетида «Амалий космий технологиялар» кафедралари ташкил этилади. Бундан ташқари, Россия, Европа ва Жануби-Шарқий Осиёдаги етакчи олий таълим муассасаларида соҳа учун кадрларни тайёрлаш йўлга қўйилади.

Лойиҳалар рад этилиши, ўзгартирилиши ёки уларга қўшимча киритилиши мумкин.
 

УЛАШИНГ:

Теглар:

Мавзуга доир:

Уммоннинг янги султони “эски гвардия”ни ўзининг одамларига алмаштирмоқда

596 09:30 23.08.2020

Одам савдосидан жабрланганлар тўғрисидаги ахборот ошкор этилмайди

195 19:00 18.08.2020

Имом Мотуридий халқаро илмий-тадқиқот маркази ташкил этилади — Президент қарори

397 23:00 12.08.2020

Бу йилги кириш имтиҳонлари бўйича президент топшириғи

1086 21:16 06.08.2020

«Вақф» фонди: ажратилган пулнинг 90 фоизи ижтимоий ҳимояга муҳтожларга тақсимланади

1651 23:03 01.08.2020

АОКАга янги раҳбар тайинланди

593 09:54 30.07.2020
« Орқага