Янгиликлар

Хитой ҳукумати уйғурлар ҳақида: “Шафқат қилинмасин”

943

Хитой раҳбариятининг ички фойдаланиш учун мўлжалланган ва уйғурларни таъқиб қилишга бағишланган ҳужжатлари журналистларнинг қўлига тушди. Бу ҳақда New York Times хабар бермоқда.

Расмий Пекин Шарқий Туркистонда экстремизмга қарши курашда мўътадил ва инсонпарвар усуллар қўлланаётганини айтиб келади, бироқ матбуотга сизган ҳужжатлар бунинг аксини кўрсатмоқда. Ички ёзишмаларда амалдорларга радикализмда гумон қилинганларга нисбатан қатъий чора кўриш ва хориждан бўлаётган танқидларга парво қилмаслик буюрилган.

Журналистларнинг қўлига тушган 24 ҳужжатнинг ҳажми 400 саҳифадан ошади. Уларнинг ичида Шарқий Туркистондаги вазият бўйича Хитой раҳбари Си Цзиньпин ва бошқа амалдорларнинг ёпиқ тадбирлардаги нутқлари, кўрсатмалар ва ҳисоботлар бор. Ҳужжатларни журналистларга Хитой сиёсий доирасининг бир вакили етказган ва исми ошкор этилмаслигини сўраган.

Ҳужжатларга кўра, Хитой раҳбари экстремизмга қарши кураш «оғриқли муолажа»ни тақозо этишини айтган. “Ҳеч иккиланмай демократик диктатура воситаларидан фойдаланиш зарур”, – деган у Шарқий Туркистон бўйича сиёсатга бағишланган йиғилишлардан бирида. Бундан ташқари, Си Цзиньпин сепаратизм ва радикализмга мойил кишиларга зарра қадар шафқат кўрсатмасликни буюрган.

УЛАШИНГ:

Теглар:

Мавзуга доир:

ЖССТда тревога: Хитойдаги янги коронавирус туфайли фавқулодда йиғилиш ўтказилади

724 17:00 21.01.2020

Коронавирус одамдан одамга юқиши тасдиқланди

618 16:20 21.01.2020

Тошкентда хусусий автобуслар иш бошлади

514 19:00 20.01.2020

“Уйғурлар миллий буюмларидан ҳам маҳрум этиляпти”

1531 15:41 16.01.2020

Эрон Хитой учун ўта аҳамиятли 

2089 19:20 15.01.2020

Юқумли касалликларнинг Ўзбекистонга кириб келиши ва тарқалиши қатъий назоратга олинган

461 15:30 14.01.2020
« Орқага