«Ямандаги зўравонликлар барча чегаралардан чиқиб кетди»

18:00 14.08.2019 552

Яманда тинч аҳолига нисбатан зўравонликлар ақлга тўғри келадиган барча чегаралардан чиқиб кетди. Бу ҳақда БМТнинг гуманитар масалалар бўйича Ямандаги координатори Лиз Гранде Твиттердаги саҳифасида ёзди.

У Саудия Арабистони бошчилигидаги халқаро коалициянинг Ҳажа вилоятидаги охирги ҳужумини қоралади. 12 август куни юз берган ҳужумда 12 киши, жумладан, 6 нафар бола ҳалок бўлган.

Гранденинг айтишича, Яманда уруш бошлангандан бери 320 минг киши ўлдирилди.

“Фожиани тўхтатиш зарур. Қурбон байрами кунларида оилаларнинг ҳамдардлик қабул қилгани ғоят ачинарли”, – дея ёзди у.

Эслатиб ўтамиз, Яманда ҳукумат кучлари ва исёнчи ҳусийларнинг “Ансар Аллоҳ” гуруҳи ўртасидаги тўқнашувлар 2014 йилдан бери давом этиб келяпти.

Azon.uz янгиликларини Telegram'да ҳам кузатиб боринг!