Йигирмадан ортиқ давлат Хитойни уйғурларни қамашни тўхтатишга чақирди

09:55 12.07.2019 1547

Дунёнинг йигирмадан ортиқ давлати БМТнинг Инсон ҳуқуқлари кенгашига мурожаат йўллаб, Хитойни Шарқий Туркистондаги уйғурларни оммавий равишда ҳибсга олишни тўхтатишга чақирди. Бу ҳақда Al Jazeera хабар бермоқда.

БМТ маълумотига кўра, Хитойда камида 1 миллион уйғур ва бошқа мусулмонлар мажбуран ушлаб турилибди.

Инсон ҳуқуқлари кенгашига йўлланган мурожаатда Хитой инсон ҳуқуқлари ва дин эркинлигини ҳурмат қилишга ундалган.

Мурожаатга жами 22 мамлакат, хусусан, Австралия, Канада, Япония, Буюк Британия, Франция, Германия ва Швейцария дипломатлари имзо чеккан.

Azon.uz янгиликларини Telegram'да ҳам кузатиб боринг!