Киев ва Москва ўртасидаги тинчлик шартномаси икки алоҳида ҳужжатдан иборат бўлиши мумкин, деди Украина президенти Владимир Зеленский Украина оммавий ахборот воситаларига берган интервьюсида.
«Улардан бири Украина учун хавфсизлик кафолатлари билан боғлиқ бўлиши керак, иккинчиси - тўғридан-тўғри Россия Федерацияси билан муносабатларга тегишли», - дея давлат раҳбарининг сўзларини келтиради «Украинска правда».
Россия ҳамма нарса бу масалаларни қамраб оладиган ягона ҳужжатда бўлишини хоҳлайди, деди Зеленский.
«Бироқ, ҳамма ҳам ўзини Россия Федерацияси билан бир музокара столида кўрмайди. Улар учун Украина учун хавфсизлик кафолатлари бир масала, Россия Федерацияси билан келишувлар эса бошқа масала», — деган Украина президенти.
Унинг сўзларига кўра, вазият ўзгармоқда ва одамлар «Бучада нима бўлганини кўришган».
24 февраль куни Украинада ҳарбий операция бошланганидан кейин Россия ва Украина делегациялари музокараларнинг бир неча раундини ўтказди, сўнгги юзма-юз учрашув 29 март куни Истанбулда бўлиб ўтди.
